Uranus at opposition🌏💫

 

සියලුම ග්‍රහලෝක සූර්යයා වටා භ්‍රමණය වන අතරතුර යම් අවස්ථාවකදී පෘථිවිය,සූර්යයා හා වෙනත් ග්‍රහලෝකයක් අතරට පැමිණ ඒක රේඛීය වේ.මෙම අවස්ථාව 'planet in opposition' ලෙස හදුන්වයි.බුධ සහ සිකුරු ග්‍රහයන් පෘථිවියට වඩා සූර්යයාට සමීප නිසා මෙම අවස්ථාව නොපෙනවයි.මෙම ග්‍රහයන් හැර සෞරග්‍රහ මණ්ඩලයේ නෙප්චූන් දක්වා ඇති සියලුම ග්‍රහලෝක මෙම සංසිද්ධිය පෙන්වයි. මෙලෙස යුරේනස් හා සූර්යයා අතර පෘථිවිය ඒක රේඛීය වන අවස්ථාව 'Uranus at opposition' ලෙස හදුන්වයි.

මෙම සංසිද්ධිය සිදු වන විට යුරේනස් ග්‍රහයා පෘථිවියට ආසන්නතම අවස්ථාවට පැමිණෙන අතරම එම ග්‍රහලෝකය වඩාත් විශාලවම මෙන්ම දීප්තිමත්ව දැකිය හැකි අතර රාත්‍රියේ වැඩි කාලයක් ක්ෂිතිජයට ඉහළින් පිහිටා ඇති අවස්ථාවද මෙයයි.එම නිසා මෙම ග්‍රහලෝකය නිරීක්ෂණය කිරීමටත්,ඡායාරූපගත කිරීමටත් සුදුසුම අවස්ථාව මෙම අවස්ථාව වේ.

මෙම අවස්ථාවේදී යුරේනස් හා පෘථිවිය අතර දුර 18.79 AU වන අතර එහි කෝණික විෂ්කම්භය 3.8 arcsec (arcsec 1 = 1°/3600) සහ දීප්තිය මැග් 5.7(magnitude 5.7) වේ.

යුරේනස් ග්‍රහයා Aries තාරකා මණ්ඩලයේ පිහිටා ඇත.'Uranus at opposition' සංසිද්ධිය මෙම වසරේ ඔක්තෝබර් 31 අපට දැක බලා ගත හැක. අපට කොළඹ නගරයේ සිට රාත්‍රී 7.16 ට නැගෙනහිර ක්ෂිතිජයෙන්  20°  ඉහළින් යුරේනස් ග්‍රහයා දැකිය හැකි අතර රාත්‍රී 11.54 වන විට උතුරු ක්ෂිතිජයෙන් 83° ක් ඉහළින් අහසේ ඉහළම ස්ථානයට ස්ථානගත වේ.උදෑසන 4.36 ට බටහිර ක්ෂිතිජයට 21° ක් ඉහළින් යුරේනස් ග්‍රහයා නොපෙනී යයි.

මෙම අවස්ථාව යුරේනස් ග්‍රහයාත් පෘථිවියත් අතර දුර අඩුම අවස්ථාව වුවද මෙය නිරීක්ෂණය කිරීමට දුරේක්ෂයක් භාවිතය වඩාත් සුදුසු වේ.

Written by: Pasan Rathanayaka

Graphic by: Dumidu Sasanka

J'pura Astronomy Club

#STAY AT HOME#BE OBSERVENT #SPEND EFFECTIVELY

 J'pura Astronomy Club

💫More beyond💫

🌕🌖🌗🌘🌑🌒🌓🌔🌕

#japuraAstro

#usjAstro_2020

#planetof_Observation💫